EL PASEO

España, 2020 - 12 minutos.
Director: Héctor Martín de las Heras.

Reparto: Juan Antonio Figueroa, Carlos Cervera.

Navarra (España), ano 1937. Dous homes camiñan polo monte un tras do outro.
O que vai detrás apunta ao primeiro
cun fusil: lévao a dar un "paseo", algo habitual naqueles tempos nos que tantos presos políticos foron sentenciados desta forma. Xa na actualidade, o descendente daquel reo busca información sobre aquel suceso concreto.

EL VESTIDO DE NOVIA

España, 2021 - 7 minutos. Director: Enrique Muñoz. Reparto: Luisa Gavasa.

El vestido de novia conta, a través do duro relato dunha muller, como foi privada de liberdade durante practicamente toda a súa vida. Un monólogo simple, sincero e directo que nos fala do amor romántico, das relacións tóxicas e déixanos sobre a mesa como de dura pode chegar a ser a vida dunha muller que sofre a violencia machista. Un potente relato baseado en feitos reais que mirará aos ollos á sociedade para exporlle preguntas e facela reflexionar sen deixar a ninguén impasible.

INTIMIDAD

España, 2021 - 11 minutos. Director: Alfonso Desentre.

Guión: Alfonso Desentre
(adaptación Raymon Carver).
Fotografía: Beltrán García Valiente .
Música: Julio Rubio.
Reparto: María José Pardo, Alfonso Desentre.

Un home de mediana idade está de paso na cidade da súa ex-muller e decide visitala. O encontro convértese nun cúmulo de reproches por parte dela, que el encaixa con aparente cinismo pero que desvela finalmente os seus sentimentos de culpa.

SCIOPHOBIA

España, 2020 - 6 minutos. Director: Elhot Huescar.

Reparto: Alexandra Cuba, Rodrigo Riquelme, Jorel Petra, Moha Amazian, Marco Dollenz.

Sciophobia conta a historia dunha muller nova que ten medo... Medo de volver á casa. Nas labirínticas rúas de Barcelona a medianoite, a angustia medra en cada recuncho onde cada sombra resulta potencialmente perigosa...

UNA ÚLTIMA MIRADA

España, 2021 - 6 minutos. Director: Marcos Huedo Darres. Reparto: Javier Valero Ruiz.

Andrés leva un ano e medio en Elxe despois de acabar o bacharelato. Todos os seus amigos marcharon a outras cidades para empezar a universidade; el quedou traballando para poder ir a Barcelona a estudar. O que máis lle importaba era a súa parella de entón, Laura. Ela era a moza máis especial que coñecera. Cando Laura empezou a universidade, foise ao estranxeiro e Andrés non volveu saber nada máis dela. A curta dá un paseo polos recordos que ten Andrés con Laura por todo Elxe, recordando os sitios especiais aínda que xa non os vexa da mesma maneira. O horto, o teatro, as canellas do centro, o cinema, a praia... A curtametraxe é unha carta de despedida de Andrés á cidade e os seus recordos nela.

¿POR QUÉ MIENTE LA GENTE?

España, 2019 - 13 minutos.
Director: Didac Cervera Casademont. Reparto: Carmen Machi, Sergi Cervera, Alain Hernández.

Andrea e Javi, nai e fillo, atópanse diante da porta dun hospital. Ela sofre un brote de esquizofrenia pero cre non estar enferma. El quere que entre voluntariamente. Quen gañará?

PAPÁ, ¿DIOS EXISTE?

España, 2021 - 16 minutos.
Director: Joaquín Díaz Cañabete Sahagun. Reparto: David Montero González,
Aura Elea, Luca Robledo, Jackie Montero.

Téntase abordar, de forma particular, o tema tan controvertido sobre a gran pregunta que se fai a humanidade, desde tempos inmemoriais: Deus existe? Exponse a través da curiosidade dun neno de seis anos que, coa súa inocencia, pregunta ao seu pai sobre a existencia de Deus, debido a algunhas experiencias chocantes que presenciou que o desconcertan e confunden. O pai do neno é un recoñecido reporteiro que vai a misións de “ Médicos sen fronteiras” que dedica a súa vida para viaxar a países con guerras étnicas e, debido ás atrocidades que contemplou, renega da existencia de Deus. A súa esposa é unha coñecida avogada que ten un irmán sacerdote. Aínda que o esposo representa na obra os escépticos ou non crentes e o sacerdote os católicos crentes, a esposa representa unha postura ecléctica moi interesante. Os nenos xogan un papel fundamental na obra.

EL SÍNDROME DEL ÁRTICO

España, 2019 - 14 minutos. Director: Borja Echevarría. Produtora: IMVAL.
Fotografía: Adrián Barcelona. Reparto: Jordi Aguilar, Silvia Depe, Elena Lombao, Greta Aguilar.

Zaragoza, 1983. Silvia é unha muller xovial de 38 anos que volve á súa cidade despois de máis de dous anos sen ver a súa familia. Pasou todo este tempo traballando no Ártico cun grupo de biólogos. Pero hai un motivo que a fixo volver: Coñecer á súa sobriña que xa ten máis de dous anos e é imperdoable esperar mais tempo. Ademais a súa irmá leva insistíndolle desde que a pequena naceu, como é natural. Silvia está emocionada e carga cun gran peluche coa figura dunha entrañable xirafa para a súa sobriña... Estar de novo na súa cidade e reencontrarse coa súa irmá e o seu cuñado é algo que necesitaba. Ao chegar á casa da súa irmá Luz e o seu marido Fer (ambos duns 40 anos e corte clásico), Silvia estala de alegría ao vela, pero Luz pídelle que, por favor, baixe o volume xa que a nena está durmidiña na súa habitación e hai que respectar as súas horas de soño. Silvia enténdeo perfectamente e abrázanse. Fer parece esgotado. A paternidade parece que lle está pasando factura.

NO QUIERO MÁS

España, 2020 - 8 minutos. Directora: Alicia Moncholi Lueje.

Reparto: Alicia Luehe, Yolanda Cuendias, Alicia Sánchez, Alicia Moncholi.

021 - Primavera Film Festiva - España.

2021 - Festival Internacional de Cine Documental - Argentina.

2021 - Festival International Cine LEBU - USA.

2021 - Festival Internacional de Cine San Luis de Potosi - México.