LAS COSAS DONDE YA NO ESTABAN

Argentina, 2021 - 73 minutos.
Director: Fabio Vallarelli.
Fotografía: Matia Recabarren.
Reparto: Andrés Ciavaglia, Agustina Quinci, Sebastián Toyo, Franco Americano.

Luca é un arquitecto en conflito coa súa profesión e o seu presente persoal. Dores é unha cantante en ascenso dentro da escena independente internacional que vén dar un recital a Bos Aires. Ambos, agora na trintena, foran parella na adolescencia, pero deberon separarse logo de que Dores se mudase coa súa familia a Europa, converténdose nunha das miles de persoas que tiveron que abandonar o país logo de decembro de 2001 e o estalido da crise arxentina.

Con motivo do recital que Dores brinda, a parella reencóntrase e, por diversas situacións, acaban pasando a noite xuntos, percorrendo a cidade. No transcurso desa noite vólvense coñecer, conversando sobre diferentes tópicos lembran quen eran e quen son hoxe, cales eran os seus soños de mozos e en que se converteron ao volverse adultos.

NOSOTROS LOS BESTIAS

Bolivia, 2021 - 14 minutos. Director: Marcelo Landaeta.

Reparto: Victoria Suaznabar, Freddy Chipana, Salvador Morado.

Anos oitenta, Bolivia recupérase das ditaduras militares. Franco é un neno que comeza unha amizade cun estraño home que a súa nai ten encerrado no soto. Motivado pola idea de que é o seu pai, tenta liberalo descubrindo verdades que están fóra da súa comprensión.