FLORENCIO NA TERRA

España, 2023 -61 minutos

Director: Domingo Díaz Docampo

Música: Arturo Kress

O documental narra a fuxida do escritor Florencio Delgado Gurriarán no comezo da Guerra Civil, cando os falanxistas tentaron acabar coa súa vida. Tras pasar por Portugal, chega a Francia, onde embarca cara a México no buque Ipanema. Alí continua a súa obra poética e o seu compromiso coa República e o nacionalismo galego, e participa na posta en marcha de iniciativas culturais. No documental, que conta coa participación da familia de Delgado Gurriarán, réndese tamén homenaxe ao presidente Lázaro Cárdenas e ao pobo mexicano polo seu apoio á diáspora española.

TRAS EL ARO

España, 2023-20 minutos

Director: Cristina Herrero Laborda

Produtora: Hemmer Dron

Relato coral da viaxe épica dunhas mulleres que deixan atrás Ucraína para acadar Europa. Un conflito armado, un país destruído, a chegada a un lugar onde ficar en paz: a montaña palentina. 

Un ano e medio despois da evacuación aínda seguen en España esperando a que remate a guerra e anhelando o regreso ao seu país canda as súas familias.