ADIOS BÁRBARA (2020)

Panamá/18 minutos/Castelán.

Directora: Mariel Garcia Spooner.

Intérpretes: Meli Moreno, Lissette Condassin, Noelia Rothery, Any Tovar.

Bárbara e Julia, nai e filla cunha relación tormentosa pola sobreprotección da nai. Desesperada, Julia cre atopar a solución ao seu problema facéndose pasar por Bárbara para buscarlle traballo por internet, pero acaba sendo botada da súa propia casa. A súa paixón pola cociña levaraas a enfrontarse e resolver as súas diferenzas en TV.

EL PLATO PRINCIPAL (2019)

España/12 minutos/Castelán.

Director: Miguel Tresguerres Blázquez. Fotografía: Javier Durá.

Intérpretes: José Carrillo, Yago Casariego, Inés Alba.

Unha nova forma de facer crítica social. Un repartidor de comida a domicilio da empresa Mundo ten que entregar unha tarta nunha estraña e sinistra casa. O que descoñece é que el forma parte do menú desa noite.

EN TENSION (2020)

España/20 minutos/Castelán.

Directora: Elena López Plaza.

Son: Alejandro Miguélez.

Nervios, tensión, esgotamento, satisfacción, adrenalina… a cociña de competición é un cúmulo de sensacións. Documental gravado durante a participación da Selección Española de Cociña Profesional na Culinary World Cup, unha das competicións máis importante de cociña a nivel internacional, que se celebra en Luxemburgo cada catro anos.

IMAGINARIA (2019)

España/23 minutos/Castelán.

Director: Germán Roda.

Fotografía: Adrián Barcelona.

Intérpretes: Salomé Jiménes, Raúl Sanz, Marta Belaustegui, Laura Gómez-Lacueva.

A muller de Sergio suicidouse pero polas noites imaxínaa cenado fronte a el.

IFIGENIA (2019)

Grecia/18 minutos/VOSE

Director: George Georgakopoulos.

Produtora: Konstandini Semkou.

Intérpretes: Sofía Sasli, Lydia Monftoglou, Timos Papadopoulos, Dimitriz Naziris.

Cando Ifigenia é invitada a almorzar á casa familiar do seu futuro esposo, non vai coas mans baleiras. Coa esperanza de causar unha boa impresión, ela trae un nena pequena. Porén, cando dous investigadores misteriosos aparecen de repente, as cousas complícanse bastante.