LA FORET DES ABEILLES

Francia, 2023-20 minutos

Director: Erwan Le Gal

Animación

Esta é a sexta grande extinción, a guerra polos recursos naturais. Isabelle, violinista e apicultora, protexe as súas abellas na illa de Ouedsant e transmite a súa paixón á súa filla Helene. 

YA YA

Chile, 2023-20 minutos

Directora: Leticia Akel

Reparto: Daniela Leyton, Julia Lubbert, René Miranda

Yaya é unha rapariga con síndrome de Down farta de ser ignorada e infantilizada por todos á súa volta. Traballando no almacén do seu tío, Yaya faise amiga de Génesis, unha adolescente rebelde que lle propón facerse unha tatuaxe xuntas, desafiándoa a liberarse da súa restrinxida rutina.

THE DEBUTANTE

Francia, 2024-14 minutos

Director: Mistress Iris

Reparto: Shaniece A. Sloan, Clement Giren

Cando unha moza accede a satisfacer unha peculiar petición a cambio dun luxoso par de zapatos, o que comeza como un simple acto de submisión, rápido se descontrola e logo se torna incontrolable, o cal altera a identidade dela e a colección de zapatos del. 

NUE

Austria, 2024-6 minutos

Directora: Alice Schneider

A. atópase co cartón dun indixente e dálle unha esmola. Amolada polo feito de que a indixente non apareza, séntese insegura e inicia unha conversa na que revela a súa propia necesidade de identidade. Sálvase nun xesto de solidariedade feminina. 

MON COEUR EN ARRIERE

Bélgica, 2023-17 minutos

Directora: Sarah Gouret

Reparto: Lucie Flamant, Kris Cuppens

Anastasia, de 27 anos, decide provocar un encontro con Jef, de 54. Xuntos vivirán o momento suspendido e intenso que só pode producir o primeiro encontro entre un pai e a súa filla. 

LES CHATS ERRANTS 

Bélgica, 2024-21 minutis

Director: Víctor Sagrist

Reparto: Carole Weyers, Bart Cambier, Mirella Minne, Kristof Coenen, Victoria Jardot

Praza Altitude Cent, en Bruselas. William (55) mente dicindo que agarda polo tranvía; Beatriz (38) finxe que todo vai ben, e Evdoyka (75) tenta convencerse de que o conseguirá. Os tres conviven na soidade da noite, cada un encarando ao seu xeito o medo por revelar a súa fraxilidade.

LAST SUPPER

Kenia, 2023-10 minutos

Director: Karanja Ngendo

Reparto: Marianne Nungo, Tim Kingoo

Alí, na penumbra, logo dun atraco de resultado previsible, unha nai e o seu fillo manteñen unha difícil conversa.

PEQUEÑO

España, 2023-12 minutos

Directores: Meka Ribera, Alvaro G. Company

Fotografia: Iván Emery

Reparto: Maruiona Terés, Silva Reina, Adriana Martinez

Cando nacen son preciosos, case perfectos. Mais medran tan rápido. Oxalá existise un modo de desfrutar para sempre desa idade irrepetible. Petit Toujour combina os últimos avances en terapia xénica e bloqueo hormonal selectivo para ampliar o voso tempo co máis bonito que tedes no mundo, o voso bebé.