PLASTIC KILLER

España, 2121 - 21 min.
Director: Jose Pozo
Reparto: José Mota, Laura Gómez, La Cueva, Elizabet Terri

Amparo de Deus vive nunha vella mercería abandonada de Madrid coa única compañía de Carmela, unha bolsa de plástico á que considera a súa filla. Nancy, directiva dunha ONG ambiental, recrimínalle que a siga usando posto que agora é ilegal facelo. Amparo, vendo en perigo a existencia da súa 'filla', ameaza de morte á ecoloxista.
Romualdo García, inspector de Policía, visita a Amparo co gallo de pescudar que lle ocorreu a Nancy, cuxo corpo apareceu golpeado nun parque próximo. Pero o home ten serias dificultades para realizar o seu traballo, xa que padece tres enfermidades raras: síndrome de Tourette, cataplexia e narcolepsia.

LA CASA

España, 2022 - 12 min.
Director: Ismael Medrano
Reparto: Maria Barranco, Pedro Miguel Martinez, Chen Lu, Fran Leal, Ana Mayo, Eva Valdivia.

Nunha urbanización, nos arredores da cidade, un matrimonio descansa placidamente na casa.
Eles non esperan visitas, pero chaman á porta. É a policía e vén acompañada dun matrimonio co seu fillo pequeno. Acúsanos de estar a ocupar a casa. Todos defenden que a casa é súa, pero alguén é un intruso.

LA BANYERA

España, 2022 - 19 min.
Director: Sergi Marti i Maltas Reparto: Abel Folk, Paula Jornet

Ramón Rise está a tomar un merecido baño cando de súpeto soa o seu móbil. Alén da liña atópase Clara, unha moza que lle tenta vender un seguro de vida insistentemente.

MI CONDICIÓN

España, 2021 - 10 min.
Director: Coke Arijo
Reparto: Noemi Ruiz, Jaime Ordoñez

Regresar á casa pola noite e soa non é prato de bo gusto para ningunha muller. Tampouco para Sofía, que debe esperar na parada a que chegue o seu autobús. Cando un canso profesor de arte chega prodúcese entre eles unha conversación na que ninguén é quen di ser.

ESPINAS

España, 2021 - 15 min. Director: Iván Sainz Pardo

Reparto: José Sacristan, Aitana Sánchez- Gijón, Julieta Serrano, Daniel Chamorro, Natividad Orozco

Carmen ten cincuenta anos e desexa quitarse a vida que sempre lle deu as costas. Con todo, unha mensaxe inesperada no seu móbil impídello. O seu pai, co que leva practicamente toda unha vida sen falarse, pídelle que o visite debido a un asunto urxente. Carmen, xa sen nada que perder, acode e o reencontro provocará unha avalancha de acontecementos dramáticos e revelacións que o cambiarán absolutamente todo.

NEGOCIADORA

Epaña, 2021 - 14 min.
Director: Alfredo Andreu Rios Reparto: Isabel Naveira, Jorge Uson

Eva é a negociadora con máis casos de éxito en Europa. Pero hoxe é o peor día da súa vida.

MAÑANA VOLVERÉ

España, 2022 - 11 min. Director: Hugo de la Riva

Reparto: Silvia Casandra, Oriol Cervera, Stephanie Magui

Carlos dorme no tanatorio ata que o espertan porque a súa avoa desapareceu do cadaleito.