BENIN, INFANCIA ROBADA

España, 2023-60 minutos

Director: Julio  Pérez del Campo

Música: Rafael del Olmo

Benín, infancia robada é unha intensa ollada do sufrimento e a resistencia en Benín, un país onde a venda de nenos e a explotación son unha tráxica realidade diaria. Durante máis de tres séculos, Benín foi o principal porto de barcos de escravos, e hoxe, o seu escuro pasado parece repetirse a través da venda de cerca de 40000 nenos cada ano.

Esta longametraxe documental expón como estes nenos son explotados nas minas e mercados. A explotación sexual e o comercio de órganos son outros abominables destinos para estes nenos e nenas. O documental tamén profunda nas tradicións do país, como a dos nenos bruxo, que condena os nenos con certas anomalías a seren considerados portadores de mala sorte, e por tanto, a seren marxinados ou mesmo asasinados. 

PARADISO DE ANIBAL

Brasil, 2023-20 minutos

Director: Diego Baraldi

Fotografía: Moacir Francisco De Santana Barros

Son: Isabelle Almeida

Aníbal Alencastro traballou en diferentes salas de cinema en Mato Grosso nas décadas dos 50 e 60. Hoxe, lémbrase de historias relacionadas co oficio de proxeccionista. 

EL TRIBUNAL

España, 2023-19 minutos

Directora: Carmen Tortosa

Fotografía: Sergio Caro

O documental amosa a realidade de traballadores que se atopan en situación de baixa laboral prolongada ou que solicitan unha valoración de incapacidade permanente. A resolución depende do ditame do Tribunal Médico. Someterse a este proceso non é do agrado de ninguén pero lamentablemente adoita ser máis habitual do que semella.  

EL CINE DEL PASADO

Colombia, 2023-8 minutos

Director: Andrés Echeverri

O proxeccionista dun antigo teatro narra a xénese do seu local e as vicisitudes que levaron á súa decadencia, logo de resistir por varios anos a crise xerada polo cinema dixital.