MAPA DE LOS SUEÑOS LATINOAMERICANOS

Argentina, 2020 - 91 minutos. Director: Martin Weber.

Fotografía: Emiliano Villanueva, Alejando Arballo, Rodrigo Sandoval, Ian Gieransinchuk, Owen Smith, Martin Weber.

Entre 1992 e 2013 o artista arxentino Martín Weber fotografou Latinoamérica con intensidade e intimidade, pedíndolle á xente que escribise os seus soños con xiz sobre unha lousa de madeira.

Décadas despois preguntouse se algún deses desexos se cumpriran. Este filme é unha nova viaxe na procura daquelas persoas para testemuñar as súas vidas. Durante oito anos Martín filmou en Arxentina, Perú, Nicaragua, Cuba, Brasil, Colombia, Guatemala e México. No seu camiño foi testemuña da violencia económica, política, social e militar que atravesa o continente. Martín cruza os límites convencionais da mirada e métese en situacións que claramente mostran as consecuencias das migracións e a degradación do tecido social.

As experiencias compartidas deixan ao descuberto as fracturas e baleiros nos soños retratados. Os seus resilientes personaxes loitan entre a esperanza e a desesperación, entre emigrar e permanecer. Esta viaxe convida o espectador a identificarse con historias colectivas e privadas.

2020 - Seatle Latino Film Festival-EE.UU.

2020 - Festival Iternacional de Cinema de Brasilia -Brasil  

2020 - Recontes du Cinema Latino - Americain -Francia

K-RRETE

España, 2020 - 10 minutos.
Directora: Nuria Rincón Arévalo.
Voz Off: Nuria Rincón.
Fotografía: Miguel Huici Piñeiro.
Reparto: Carmen Hinojosa, Alejandro Amere, Rafa Crespo, Antonio Cadenas, Alice Arce.

Unha moza introdúcese no mundo da fotografía analóxica a través dunha app móbil que simula a estética destas. A partir deste fenómeno, a nosa protagonista conta que ela e o seu grupo de amigos comezaron a acumular un gran número de cámaras analóxicas. Doutra banda conta coa visión de Rafa Crespo e Hanbury, dous novos fotógrafos noveis que contrastarán cunha visión máis fresca e actual.

Nuria tamén se cuestionará se a fotografía analóxica dá mellores resultados que a dixital. Para iso, dirixirase ao laboratorio de SolLab, fundado por mozos emprendedores, onde lle achegarán datos técnicos que diferencian ambas as fotografías. Esta pregunta tamén será respondida por Carmen Hinojosa e Alejandra, dúas fotógrafas que farán ademais unha sesión a unha modelo.

Grazas a todas as respostas dos profesionais, Nuria é capaz de lanzar unha mensaxe respondendo a todo o que sempre se preguntou sobre