EL ARTE DE VOLVER

España, 2020 - 90 minutos.
Director: Pedo Collantes.
Produtora: Tourmalet.
Distribuidora: Filmax.
Reparto: Macarena García, Ingrid García- Jonsson, Nacho Sánchez, Mireia Oriol, Luka Peros, Lucio Suárez.

Noemí é unha nova actriz que volve á casa despois de seis anos en Nova York para presentarse a un casting que podería cambiar a súa carreira. Durante as primeiras vinte e catro horas de regreso en Madrid, Noemí ten unha serie de encontros e despedidas que lle ensinarán a apreciar as estacións da vida. O seu avó, prostrado na cama dunha residencia, anímaa a perseverar no seu empeño de triunfar no mundo da actuación mentres repasa os mellores anos da súa vida. Na casa, a súa irmá pequena recíbea con frialdade. O tempo e a distancia fixeron efecto. A complicidade que algunha vez tiveron converteuse nunha mestura de sentimentos que ningunha das dúas sabe manexar. Con Carlos, un antigo compañeiro, as cousas son diferentes. Rin xuntos mentres pasean por un piñeiral. Os dous botábanse de menos. Tamén está Ana, unha amiga artista cuxa exposición, Noemí visita entre o asombro e o espanto. E finalmente Radu, un condutor de orixe romanesa co que Noemí ten máis en común do que podería parecer. Estes encontros, aínda que breves, levan a Noemí a reformular o seu pasado, o seu futuro e o seu lugar no mundo.

2021-Festival Cine Español de Nantes-Francia 2021-Hong Kong International Film Festival-China 2021-Premios CEC-España
2021-Venice Film Festival-Italia

Premiere no Festival de Venecia 2020.
2020: Premios Feroz: Nomeada a mellor cartel.

¿ENSERRAO?

España, 2020 - 4 minutos. Director: Isabel Moreno Martínez. Reparto: Jaime García García.

Un andaluz leva pouco tempo vivindo en Lorca. Durante a corentena do Covid-19 fala pola xanela co seu veciño por primeira vez, pero non todos viven o mesmo confinamento.

En España máis de 100.000 persoas viven en confinamento permanente por falta de accesibilidade nos seus fogares e 1,8 millóns de persoas dependen de terceiros para saír das súas casas.